Беренче мөселман телеканалы ачылды

Мөселман киносы фестивалендә беренче мөселман телеканалы “Хузур ТВ”ның презентациясе булды. Телеканал Татарстан Республикасы мөфтие инициативасы белән булдырыла. Хәзерге яшьләр күп вакытларын социаль челтәрләрдә үткәрәләр, алар башкача аралашалар, бүтән төрле уйлыйлар. Аларга якынаер өчен безгә дә виртуаль рәвештә аралашырга туры килә, шул рәвешле аларга мөселман кешесенең нинди булырга тиеш икәнен күрсәтәчәкбез, - дип аңлата мөфти Камил хәзрәт Самигуллин.