Яңа сырхауханәләр ачылачак

Казанның ике районында һәм Республика клиник офтальмология хастаханәсе территориясендә яңа сырхауханәләр барлыкка киләчәк. Бу хакта брифингта ТР сәламәтлек саклау министры Марат Садыйков хәбәр итте.

«Оешмалар якындагы өч елда төзү планлаштырыла. Балалар сырхауханәсе Казанның Яңа Савин районында – «Татнефть-Арена» каршында барлыкка киләчәк. Шәһәрнең Киров районында өлкәннәр поликлиникасы төзеләчәк. Республика офтальмология хастаханәсе территориясендә дә поликлиника төзеләчәк», – дип аңлатты Садыйков.

Автор: А.Иванова

Фото: Татар-информ