Фәнзилә Сабирова: «Үзенең үткәнен белмәгән халыкның киләчәге юк»

Татарстанның атказанган артисткасыФәнзилә Сабирова:

Бу спектакльдә Бүре баласы Елгыр ролен башкарам. Ул  бик акыллы һәм батырларча  кыю. Әсәрдә дуслык, туганлык, туган якка мәхәббәт, коллык һәм азатлык темалары бер-берсе белән тыгыз үрелеп бирелгән. Шундый әйбәт әйтем бар: «Үзенең үткәнен белмәгән халыкның киләчәге юк». Автор тарафыннан бу темага нык басым ясала.

Ә кечкенә тамашачыларны исә без гел кыю, тапкыр булырга, кыенлыклардан куркып калмаска чакырабыз. Шәхсән үзем балалар белән килгән ата-аналарның да, спектакльләребезне карап, үзләренә рухи азык алып китүләрен телим.