Яхшылык җирдә ятмый дигән борынгыларыбыз. Бу дөньяда һәркем үз кулыннан килгәнчә кардәшләренә ярдәм итәргә, изге гамәлләр кылырга омтыла.

Җырчы Салават Фәтхетдинов та кешеләргә изгелек эшләүне тормыш девизы итеп алган. Берничә көн элек Салават Фәтхетдинов улы Рөстәм белән Арча интернатыннан кунакка килгән бала белән очрашкан. Чәй артында сөйләшеп утырганнан соң малайның хыялын тормышка ашырганнар: спорт машиналарында узышканнар. Рульдә Рөстәм Фәтхетдинов һәм Россия чемпионы Айдар Нуриев булган.

«Минем девиз – «Ни дня без доброго дела» буген тормышка ашты, ә сезнеке? – дип яза җырчы үзенең Инстаграм аккаунтында.

Афәрин, Салават абый. Яхшылыкларыгыз үзегезгә икеләтә әйләнеп кайтсын!

Фото: salavat_fatkhutdinov_official

Автор: А.Галимова