«Туфан мәктәбе»

«Туфан мәктәбе» проектын тормышка ашыруның беренче этабында Туфан Миңнуллинның «Акбай һәм Сарык малае» спектакле сәхнәләштерелә. Премьера 2012 елның 14 маенда уза. Проектның икенче этабында ун мәктәптән 10нчы сыйныф балалары катнаша. 2012 елның октябреннән башлап театр артистлары аларны актёрлык осталыгына өйрәтә. Фестиваль кысаларында мәктәп укучылары Туфан Миңнуллин әсәрләреннән өзекләр тәкъдим итте. Проектта 11 милләт баласы катнашты. Казан кунаклары – Г.Камал театры артистлары тамашачыларга «Авыл эте Акбай» спектакленнән өзек күрсәтте.

«Туфан мәктәбе» проекты ТР мәдәният министрлыгының грантына лаек булды. Проектны тормышка ашыруга нефтьчеләрнең матди ярдәме дә зур булды.