XI "Идел-йорт" халык театрлары фестивале

Фестивальдә Татарстан Республикасының төрле төбәкләреннән килгән халык театрлары гына түгел, Пермь крае Барда районы һәм Башкортстан Республикасы Дүртөйле районыннан да үзешчән театр коллективлары катнаша. 11 – 14 һәм 16 ноябрьдә спектакльләр Ленин исемендәге мәдәни-күңел ачу комплексында уйнала. 15 ноябрьдә Казан аграр университеты халык театры Г.Тукай исемендәге филармония сәхнәсендә чыгыш ясый. Дербышки бистәсендәге Сәетгалиев исемендәге мәдәният сараенда тамашачыларны 18 – 22 ноябрьдә көтәләр. Фестиваль 23 ноябрьдә Ленин исемендәге мәдәни-күңел ачу комплексында тәмамланачак.

Шимбә һәм ял көннәрендә спектакльләр көндез (14.00) һәм кич (18.00) уйнала. Эш көннәрендә тамашачылар үзешчән актерларның уен осталыгын кичке спектакльләр вакытында бәяли ала.