"Тәмле" конкурска йомгак ясадык

Бәйгебезгә җибәргән тәм-том рецептлары өчен барыгызга да зур рәхмәт. Теләгән кешеләр бу уникаль рецептларны язып алып калгандыр. Киләчәктә дә шул кулыгызны җуймыйча, тәмле әйберләр пешереп якыннарыгызны сөендереп яшәргә язсын.

Ә бәйгебезнең җиңүчеләренә килгәндә, тавышлардан күренгәнчә, иң беренче урынны чәк-чәк рецепты белән Гөлүсә Рәхмәтуллина яулады. Икенче урында лагман рецепты белән – Гөлзилә Нурмөхәммәтова. Ә өченче урынга панкота рецептын тәкъдим иткән Гүзәл Газизова чыкты. “Тәмле” бәйге булгач, бүләкләрнең дә тәмлеләрен сайларга тырыштык. Беренче урындагы җиңүчебез Mardesign дизайн-студиясеннән 2017 елга Татар халык ашларының рецепетлары сурәтләнгән тәмле календарь, савыт-саба наборы һәм Тинчурин театрына ике кешелек билет белән, калган ике җиңүчебез шулай ук савыт-саба наборы һәм Тинчурин театрының иң яхшы спектакльләренә ике кешелек чакыру белән бүләкләнәчәк.

Сезне редакциябездә көтеп калабыз. Безнең адрес: Декабристлар урамы, 2 йорт, 7 кат “Сәхнә” журналы редакциясе.