Чулпан Йосыпова – Татарстанның атказанган артисткасы!

Кичә җырчы Чулпан Йосыпова инстаграм битендә шатлыклы хәбәре белән уртаклашты. Җырчыга «Татарстанның атказанган артисты» дигән мактаулы исем бирелде.

Чулпан Йосыпова сүзләре буенча, аңа инде күптән әлеге мактаулы исемне имазалаган булганнар. Ләкин пандемия чоры булу һәм артистканың бәби көтү сәбәпле, аңа медальне кичә генә тапшыра алганнар.

«Пермь ягы Барда районы Танып дигән кечкенә генә авылдан чыккан кызны шулай зурлап бәяләгәннәре өчен Татарстан Республикасы хөкүмәтенә, минем яраткан тамашачыма зур рәхмәт. Шулай ук әти-әниемә, гаиләмә рәхмәтлемен», – дип яза ул.