Гаяз Исхакый фаразлаган Инкыйразга күпме вакыт калганын Интернетта белергә була

(Казан, 11 февраль, «Татар-информ», Рузилә Мөхәммәтова). Социаль челтәрләрдә татар программисты, милли проектлар авторы Илдар Әюповның “Инкыйраз-таймеры” эшли башлады. Проектның юрау чыганагы – Гаяз Исхакый. Әлеге вакытта http://teorius.ru/timer/ сылтамасы белән кереп карасак, инкыйразга 85 ел да 10 ай һәм берничә сәгать калганын күрербез.

Мәгълүмат өчен. Татар классик язучысы Гаяз Исхакый 2002 елда татар халкының киләчәге турында кайгыртып «Ике йөз елдан соң инкыйраз» исемле әсәрен иҗат итә.

Таймерны төрле кеше төрлечә кабул иткән. “Хатыным Айгөл “Куркыныч”, диде. Кичә “Акыл фабрикасы”нда әллә нинди кеше килеп: «Сез кешеләрне программалыштырасыз», дип битемә кычкырды”, - ди Илдар “Татар-информ” хәбәрчесенә. Ул әлеге проектны шаяртулы кисәтү, хәтта, шаяртып куркыту максатыннан эшләнүен әйтә. Илдар Әюпов үзе инкыйразга ышанмый.

Фотода Илдар Әюпов.

татар-информ