Хәбәрләр

Казан яшь тамашачы театры тамашачыларны сәхнә артына чакыра: театрда «Синица, пшеница, кот и другие» интерактив экскурсиясе узачак

3 октябрьдә Казан яшь тамашачы театры бөтен гаилә өчен яңа формат – «Синица, пшеница, кот и другие» театральләштерелгән интерактив экскурсиясен тәкъдим итәчәк. Бу - сәхнә арты буйлап сәяхәт, анда тамашачылар гадәти күзәтүчеләр булып калмаячак: артистлар белән бергә алар театрны өйрәнәчәк, уйнаячак, үз театр тарихын уйлап табачак һәм өр-яңа тамаша булдыра. Интерактив экскурсияләр Островский урамындагы 10 нчы йортта узачак.

Экскурсиянең нигезендә – артистлар белән турыдан-туры аралашу һәм гаилә театры булдыру буенча мастер-класс элементлары. Катнашучыларга пространство, хәрәкәт, предметлар һәм үз хыяллары белән төрле тәҗрибәләр үткәрергә туры киләчәк. Монда иң гади әйберләр декорация өлешенә әверелергә, персонажны булдырырга яки бөтенләй яңа тарихның башы булырга мөмкин.

Театраль сәяхәтнең үзенчәлекле өлеше – сәхнәгә чыгу. Тамашачылар пәрдәнең икенче ягына чыга һәм үзләрен театраль тамашаның чын катнашучылары итеп тоя алачак.

"Бу формат театрга ниндидер ерак һәм катлаулы итеп түгел, ә иҗат өчен киңлек буларак карарга тәкъдим итә. Монда спектакль әзерләүнең бердәнбер дөрес ысулы юк: театрны нәкъ менә монда һәм хәзер – кулдан килгән материаллардан, үз тавышыңнан, хәрәкәтләреңнән һәм фантазияңнән дә төзергә мөмкин.
Экскурсия 6 яшьтән башлап тамашачыларга исәпләнгән. Катнашучылар саны чикләнгән - 20 кеше, шуңа күрә килгән һәркем артистлар һәм театр киңлекләре белән аралашу тәҗрибәсен ала алачак", - дип әйтә театрның баш режиссеры Радион Букаев.

Следите за самым важным и интересным в Telegram-каналеТатмедиа