Хаҗ кылу рөхсәт ителә!

Согуд Гарәбстаны хакимияте коронавирустан «Спутник V» ның  ике  дозасы белән вакциналанган россиялеләргә хаҗ һәм кече хаҗга барырга рөхсәт итте. Рөхсәт 1 гыйнвардан хаҗ яки гомрә йолаларын үз эченә алган кыска сәфәрләргә гамәлдә. Бу  хакта Татарстан президенты Рөстәм Миңнехановның  Согуд Гарәбстанына  сәфәре барышында килешенде. Хаҗ һәм Гомрә эшләре буенча урынбасар Габделфәттах Сөләйман Машат белән очрашуда республика президенты  «Спутник V» белән вакцинацияләнгәннәр өчен хаҗ кылырга рөхсәт сорады. Бу хакта Татарстан президенты матбугат сәркатибе Лилия Галимова хәбәр итте.

Фото: хадж