«Людмила Поргина янәдән кияүгә чыга»

Октябрь аенда актер Николай Караченцовның вафатына бер ел булачак. Шоу-бизнес мохитендә, актерның тол калган хатыны Людмила Поргина янә кияүгә чыгарга җыена, дигән имеш-мимешләр пәйда булды.

Журналистлар легендар артистның тол хатыны белән элемтәгә кереп, әлеге имеш-мимешләргә ачыклык кертте. «Акыл, талант һәм энциклопедик белемнәр буенча минем Кола кебек тагын кем булырга мөмкин? Ул уникаль кеше иде, икенче андый кешене табуы авыр. Моннан тыш, минем улым, киленем, оныгым, биш мәче һәм дүрт попугаем бар! Минем шөгылем күп», – диде Людмила Поргина. Ул тормышында яңа туйның булуы мөмкин түгел дип саный.

«Аңлагыз, мәхәббәт тормышта бер тапкыр була. Шундый көчле, бәхет бүләк итә торганы... Безнең болай да барысы да бар һәм калганы яхшы булачак!» - дип әңгәмәдәше Людмила Поргинаның сүзләрен ассызыклап үтә. «Николай һәрвакыт минем янәшәмдә. Гомумән, ул миңа һәр төн төшемдә килә. «Бернидән курыкма, нык бул һәм елмай!» – ди ул. Мин бу принцип буенча яшәргә тырышам. Коля һәрвакыт минем белән һәм беркая да китмәде», - дип сөйләде Людмила Поргина.

Фото: @#караченцов

Г.Ярмиева