Бер спектакль тарихы / Сак-Сок

Драма – 6+

Автор – Рабит Батулла

Режиссёр – Ренат Әюпов

Рәссам – Таң Еникеев (Уфа)

Композитор – Мәсгүдә Шәмсетдинова (АКШ)

Аранжировка – Юрий Чаплин

Хореография – Флёра Янышева (Алтай)

Фәнни киңәшче – Равил Гайнетдин (Мәскәү)

Рольләрдә:

Чәчәк Ана

Лилия НИЗАМИЕВА, Татарстанның атказанган артисты

Алия КӘЛИМУЛЛИНА, Татарстанның атказанган артисты

Алпамша

Нуриәхмәт САФИН, Татарстанның халык артисты

Албасты

Илфат КАМАЛИЕВ, Татарстанның атказанган артисты

Язмыш Ана

Лилия МИФТАХОВА

Сак

Алия Лотфуллина

Сок

Рөстәм Шакиров

Кошлар һәм адәмнәр

Театр артистлары

Пьесаның жанрын драматург бәет-драма дип атаган. Ләкин ул әсәрне бәет фабуласы белән генә чикләмәгән, татар фольклорында еш очрый торган әкият геройларын – Алпамша, Албасты, Язмыш Ана персонажларын да өстәп, бәетнең яңа вариантын тудырган...

Спектакльдә катнашучы артистлар сәхнә әсәренең стилистикасын яхшы тойган хәлдә, рәсем сәнгатенә тиң портретлардагыдай образлар тудыралар: Сак белән Сок, Чәчәк-Ана, Алпамша, Язмыш Ана, Албасты, массада – кошлар һәм адәмнәр ролендә труппаның бөтен артистлары да катнаша. Албасты – Алпамшага һәм башка уңай геройларга капма-каршы куелган образ, антигерой. Усаллыкның, явызлыкның, мәкерлекнең, дошманлыкның, хәйләкәрлекнең, кешеләргә зарар китерүче явызларның җыелма образы. Әнә шундый җыелма образның сәхнәдә конкрет гәүдәләнешен табу артист өчен гаять авыр бурыч. Аның Албастысы катып калган, салкын канлы, коры бер персонаж гына түгел, ә бәлки һаман хәрәкәттәге, бер мизгелдә мең төрлегә әверелә торган җанлы реаль образ. Ул безнең күңелләребездәге кара уйларның җанланган рәвеше. Менә ул әллә кайдан гына коштай очып керә дә шул ук мизгелдә юкка да чыга, әйтерсең лә синең белән качышлы уйный. Бу образның мондый чишелеше режиссёерның уңай табышы буларак кабул ителә…