Бәйге

Шул ук вакытта Рима Ключарёваның юбилее уңаеннан моноспектакльнең репетицияләре дәвам итә. Композитор, эшкуар Фәнир Галимов тәкъдиме белән Туймазы театры Фән Вәлиәхмәтов премиясенә гармунда һәм тальянда үзе уйнап башкаручылар төбәкара конкурсын үткәрергә планлаштыра. Бәйгенең оештыручылары: Туймазы Татар дәүләт драма театры, Туймазы шәһәре һәм районы хакимияте, Башкортстан Республикасының Дуслык йорты, «Рамазан» төрек милли мәгариф үзәге. Үзешчән башкаручыларның осталыгына жюри әгъзалары Айдар Галимов, Зифа Нагаева, Марат Шәрипов һ.б. бәя бирәчәк. Конкурста катнашу өчен гаризалар 1 мартка кадәр кабул ителә. Тулырак мәгълүмат театрның театр-туймазы.рф сайтында.